ភ្នំពេញ៖ គណៈកម្មការរៀបចំ និងដឹកនាំរួមកិច្ចដំណើរការជ្រើសរើសមន្ត្រីជាប់កិច្ចសន្យានៃអាជ្ញាធរជាតិដោះស្រាយវិវាទក្រៅប្រព័ន្ធតុលាការ (ហៅកាត់ថា គណៈកម្មការរៀបចំ និងដឹកនាំរួម) បានជូនដំណឹងដល់បេក្ខជនដែលបានចូលរួមការសម្ភាសជ្រើសរើសមន្ត្រីជាប់កិច្ចសន្យានៃ អ.ដ.ក. នៅល្ងាចថ្ងៃទី១៩ ខែកញ្ញានេះថា បញ្ជីរាយនាមបេក្ខជន (ផ្នែកច្បាប់) ចំនួន ១០ រូប ដែលបានជាប់ស្ថាពរជាមន្ត្រីជាប់កិច្ចសន្យានៃ អ.ដ.ក. បានបិទផ្សាយនៅអគ្គលេខាធិការដ្ឋាននៃ អ.ដ.ក. និងផ្សព្វផ្សាយជាសាធារណៈនៅលើទំព័រហ្វេសប៊ុក “អាជ្ញាធរជាតិដោះស្រាយវិវាទក្រៅប្រព័ន្ធតុលាការ” និងនៅលើ Telegram Channel “អាជ្ញាធរជាតិដោះស្រាយវិវាទក្រៅប្រព័ន្ធតុលាការ” ចាប់ពីថ្ងៃជូនដំណឹងនេះតទៅ។

សូមបញ្ជាក់ផងដែរថា នៅគ្រប់ដំណាក់កាលនៃកិច្ចដំណើរការនៃការសម្ភាសជ្រើសរើសបេក្ខជននេះ ក៏មានការចូលរួមសង្កេតការណ៍ដោយផ្ទាល់ពីសំណាក់អង្គភាពប្រឆាំងអំពើពុករលួយផងដែរ៕